Кўкрак бези саратони
Белгилар, хавф омиллари, ўз-ўзини текшириш ва скрининг ҳақида.
Шифокорга савол
Савол-жавоб
Энг кўп берилган саволлар
СкринингКўкрак бези саратони скрининги нима учун керак?
Скрининг – бу Кўкрак бези саратонини илк босқичда, ҳали аломатлар пайдо бўлмасданоқ аниқлашга ёрдам берадиган текширув. Оғриқ ёки ҳеч қандай шикоят бўлмаса ҳам кўкракни текширувдан ўтказиб туриш муҳим. Касаллик қанчалик эрта аниқланса, уни муваффақиятли даволаш имконияти юқори бўлади.
СкринингСкринингни қайси ёшда ўтиш керак?
Ўзбекистон Республикаси Президентнинг ПҚ-402-сон қарорига мувофиқ, 30 ёшдан 65 ёшгача бўлган аёлларнинг ҳар икки йилда бир марта скринингдан ўтиши кўзда тутилган. Биринчи босқичда тиббиёт ходими томонидан кўрик ўтказилади. 30–44 ёшдаги аёлларда сут безлари ултратовуш текшируви, 45 ёшдан 65 ёшгача бўлган аёлларда эса маммография ёрдамида текширилади.
СкринингАгар текширув саратонга шубҳа борлигини кўрсатса, кейин нима қилиш керак?
Саросимага тушманг, аммо кейинги текширувларни ҳам кечиктирманг. Скрининг натижаси ҳали сизда саратон бор дегани эмас. Шифокор қўшимча текширувлар, масалан, УТТ, маммография ёки биопсия – таҳлил учун кичик тўқима намунасини олишни тайинлаши мумкин. Айнан тўқимани текшириш ташхисни тасдиқлаш ёки инкор этиш имконини беради.
СкринингБачадон бўйни саратони скрининги нима учун керак?
Скрининг – бу саратонолди ўзгаришларини ёки касаллик белгиларини аломатлар пайдо бўлишидан олдин аниқлашга ёрдам берадиган текширув. У ўзгаришларни эрта босқичда аниқлаш ва даволашни ўз вақтида бошлаш имконини беради. Аёл ўзини яхши ҳис қилса ва унда ҳеч қандай шикоятлар бўлмаса ҳам, шифокор тавсияларига мувофиқ текширувдан ўтиб туриши муҳимдир.
СкринингСкринингдан ўтиш кимларга тавсия қилинади?
Ўзбекистон Республикаси Президентининг 2024-йил 22-ноябрдаги ПҚ-402-сон қарорига мувофиқ, давлат дастури доирасида 30, 40 ва 50 ёшли аёллар бачадон бўйни саратони скринингига жалб этилади: ОПВ (одам папилломавируси) тести ўтказилади, мусбат натижада суюқлик асосидаги цитология қилинади. Натижа манфий бўлса, кейинги режали текширув 10 йилдан кейин. Текширув жойи ва муддатларини оилавий поликлиникадан аниқлаш мумкин.
СкринингАгар текширув шубҳали натижа кўрсатса, нима қилиш керак?
Ваҳимага тушманг: ОПВ бўйича мусбат тест ёки скрининг натижасидаги ўзгаришлар сизда саратон бор дегани эмас. Шифокор қўшимча текширувларни, масалан, колпоскопия – бачадон бўйнини катталаштириб кўриш, ёки таҳлил учун тўқиманинг кичик намунаси олинадиган биопсияни тайинлаши мумкин. Текширув натижаларига кўра шифокор даволаниш зарур ёки йўқлигини ва айнан қандай муолажа кераклигини белгилайди.
Йўналишлар
Керакли бўлимни танланг
Ҳар бир йўналишда — белгилар, скрининг, даволаш ва қўллаб-қувватлаш ҳақида.
Бачадон бўйни саратони
Хавф омиллари, аниқлаш усуллари ва даволаш ҳақида.
Савол бериш
Жавоб топмадингизми?
Мутахассисдан сўранг
Саволингизга шифокор жавоб беради. Исмингиз ва контактларингиз ошкор қилинмайди.