PQ 402

Davlat dasturi — PQ-402

2024-yil 22-noyabr kuni O'zbekiston Respublikasi Prezidentining PQ-402-sonli Ayollar orasida onkologik kasalliklarni nazorat qilish tizimini takomillashtirish chora-tadbirlari to'g'risida'gi qarori qabul qilindi.

Ushbu hujjat mamlakatimizda bachadon bo'yni saratoni va sut bezi saratonini erta aniqlash, oldini olish hamda davolashning yagona zamonaviy tizimini yaratishga qaratilgan.

Dastur 2025–2030-yillarga mo‘ljallangan bo‘lib, quyidagilarni o‘z ichiga oladi

Muntazam skriningga taklif etish maqsadida 30-65 yoshdagi ayollarning elektron bazasini shakllantirish;
Davlat byudjeti hisobidan bepul tekshiruvlar o'tkazish;
Bachadon bo'yni saratonini aniqlash maqsadida 30-50 yosh oralig'idagi ayollarni VPH-testi va suyuqlik sitologiyasi usuli bilan tekshirish;
Sut bezi saratoni skriningi:
30-44 yoshda — sut bezining UTT tekshiruvi,
45-65 yoshda — mammografiya;
Skrining natijasida kasallik aniqlangan bemorlarni davlat tibbiyot muassasalarida bepul davolash;
Muvofiqlashtirish kengashini tashkil etish va yagona elektron monitoring tizimini joriy etish.

PQ-402 doirasida butun mamlakat bo‘ylab tibbiy uskunalar yangilanmoqda, laboratoriyalar va mammografiya tasvirlarini tahlil qilish markazlari tashkil etilmoqda, mutaxassislar tayyorlanmoqda va xalqaro klinik protokollar joriy qilinmoqda.

Dastur bilan tanishish: https://www.lex.uz/ru/docs/7232847

Bachadon bo‘yni saratoni

Bachadon bo‘yni saratoni (BBS) —oldini olish mumkin bo‘lgan ayollarda uchraydigan saraton turlaridan biridir. Bu bo‘limda kasallikning oldini olish, skrining, tashxis va davolash bo‘yicha asosiy savollarga javoblar jamlangan. Biz BBS nima ekanligini, PAP-test nima uchun kerakligini va kolposkopiya qanday o‘tkazilishini tushuntiramiz. Bu yerda siz aniq izohlar, muntazam tekshiruv bo‘yicha tavsiyalar va zamonaviy davolash usullari haqida ma’lumot topasiz.

Sut bezi saratoni

Sut bezi saratoni (SBS) — ayollar orasida eng ko‘p uchraydigan onkologik kasallikdir. Ushbu bo‘limda SB bo‘yicha eng muhim savollarga javoblar jamlangan: tashxis, davolash va kasallikdan so‘ng qayta tiklanish jarayonlari haqida batafsil ma’lumotlar berilgan. Biz dastlabki belgilarni qanday aniqlash, mavjud tekshiruv usullari va tashxis qo‘yilgandan keyin nima qilish kerakligini sodda tilda tushuntiramiz.